السلام عليكم ورحمه الله وبركاته تحيه طيبه لكل من سيمر من هنا
اليوم سنتدارج الحديث عن الفتيس العادي أو الجير بوكس أو اي مسمي كما يختلف اسمه في جميع البلاد اولا احب أن أرحب باي اضافه او تعديل من اخواتي المتابعين ف التعليقات ف هذا من دواعي سروري ما هو الجير بوكس أو الفتيس وماذا يوجد بداخله معلومات بسيطه إن شاء الله تعطيكم فكره عنه وما الأخطاء التي تؤثر علي عمره الافتراضي من السائق أو قائد. المركبه /السياره /
الجير بوكس هو حلقه وصل ما بين الموتور وآلات الجر الاماميه أو الدفع الخلفيه يعني بالعاميه بيوصل دوران المحرك للعجل عن طريق الدسك والاسطوانه الدبرياج منهم لعمود الفتيس الرئيسي لمجموعه تروس داخل الفتيس إلي أن تخرج الحركه لعمود الكردان
يبقي دلوقتي لو حد عايز مثلا يعرف إليه الحركه لعمله ازاي بيوصل الحركه من الموتور اوقات وأوقات الدوس ع الدبرياج بيفصلها هقولك اخي الكريم
انت كقائد سياره لما بتفكر تدي السياره نقله تعشيق مثلا او غيار كما يقول البعض
تدوس القدم ع دواسه الدبرياج ف سواء كان سلك أو زيت يعني نوع الدبرياج بتوصل الحركه لفرش داخل الفتيس من الجمب زي دراع كده الفورش ده بيضغط ع الدسك ع الريش بتاعته ف الدسك بيزول حمله من ع الاسطوانه الاسطوانه بتسيب ترس الفولام الكبير أو كما يسميه أهل العلم الحدافه وقتها تدي انت الغيار عصابه الفتيس أو الجير ترجع تشيل رجلك من ع دواسه الدبرياج واحده واحده تقوم الضغط يخف عن الفورش وبالتالي عن ريش الدسك ف يدوس ع الاسطوانه ف تكون كأنها والفولام قطعه واحده فتنقل عزم المحرك ودورانه الفتيس إليه عمل جميله ولما تتابعها واحده واحده بتستمتع وفي برضه عادات سيئه للاستعمال بتبوظ الدسك والاسطوانه ممكن اوضحها لو حد حابب يضيف شئ ف التعليقات شئ يسعدني
| |
ده شكل الدسك والاسطوانه للي مشافهوش وميعرفوش وارد هتقولي ايه هيا العادات دي او سؤ الاستعمال زي ايه اللي يؤثر عليهم والجير بوكس كمان أو الفتيس هقولك شوف يا سيدي الفاضل
ممكن اثناء القياده وف الطريق يقوم البعض بتحميل قدمه ع دواسه الدبرياج او بعض الدول يسمونه الكلاتش وده اكبر غلط لان وانت محمل ع الكلاتش اثناء القياده بيحمل بسيط ع الدسك هتخف ع الاسطوانه ف تفوت ع الفولام أو الحدافه ع بسيط ف تتاكل بدون ما تشعر عمرها الافتراضي بيقل زي ما بيقولوا أثناء الاحتفالات والافراح واللي بنشوفه من الشباب بيعمل امريكاني أو بيفحط كما يقول أشقائنا ف بلاد تانيه علي اي لحظه انت ممكن تكسر منك ريش الدسك أو الاسطوانه بيكون فيها سوست داخليه بتتكسر او البرشام اللي ماسك البطانه دي اللي ع الاسطوانه بيفك ده كله نتيجه الاستخدام الخاطئ
كمان استخدام عصابه الفتيس أو دراع العبارات احيانا بكل حده وعنف ممكن يكسر اي شئ داخل الفتيس
كمان يلزم كل فتره نعمل نظره ع زيت الفتيس الجير بوكس لكي لا تتاكل التروس ويبداء يعمل صوت او تجد صعوبه في التعشيق
انت لما تتعامل مع المعده أو السياره بتاعتك باهتمام اكيد العمر الافتراضي بيكون اطول لقطع الغيار |
مواضيع ذات صله:
زيت الجير بوكس أو الفتيس لمن لا يعرفون يختلف عن زيت المحرك لكي لا تختلط الأمور عند بعض الاشخاص
ردحذف