Timing chain سير الكاتينة

Timing chain 

سير الكاتينه 

السلام عليكم ورحمه الله وبركاته 

أسعد الله اوقاتكم بكل خير ستندرج معكم في هذه التدوينة عن سير الكاتينة أو chain belt التعريف أهم العلامات الداله علي بدأ التهالك أو أنه يجب تغييره

اولا البعض يتسال ده ايه !!  وضحنا قبل كده ان لازم يكون عندك معرفه وبعض معلومات بسيطه عن السيارة او المركبة التي تقودها ده سير الكاتينه بيعمل ايه سؤال جميل ؟

هقولك يا سيدي الفاضل ده وظيفته بيوصل حركة عمود الكرنك اسفل الموتور الى عمود الكامات أعلى الموتور هل هذه وظيفته الوحيده لا احيانا يكون موصل حركه طلمبه مياه وطرمبة زيت حسب نوع كل سياره وكمان في السيارات الديزل بيوصل الحركه لطلمبه ضخ الديزل ،،( طلمبه الجاز ) وده بيوصل الحركه من عمود الكرنك الي عمود الكامات ب علامات محدده علي التروس

يلزم أثناء تركيبه الالتزام بالمعايير والعلامات حسب ما وضع من قبل كل شركة مصنعه لموديل سياره لانه يكون متوافق فتح الصمامات مع حركة البستم piston , مع الاشتعال بتناغم محدد ومدروس الان اريد ان اعرف مواعيد تغييره أو الدلائل التي تشير الي تهالكه الفحص الدوري في عند ملاحظة تشقق في السير يجب تغييره لأن انقطاعه يسبب الي خسائر داخليه بالمحرك احيانا عند سماع صفير بسيط يجب الاطمئنان لأنه ممكن دليل على تقارب انقطاعه الالتزام بالمواعيد المحددة من الشركه المصنعه للسيارة والمكتوب في كتالوج السياره ف رجاءا الاهتمام بهذه القطعه بالمحرك وهي سير الكاتينه timing chain احيانا يقف محرك السياره فجأه ومع محاولة اداره السياره مره اخري تسمع المارش يدور بطريقه سريعه وكان ليس عليه حمل تشغيل إذا كنت ممن يملك الخبره البسيطه وعرفت بشأن الصوت ننصحك الا تحاول. وتنظر علي سير الكاتينه اولا ف مع كل محاولات من الممكن أن تتضرر أجزاء بداخل المحرك

أيهما أفضل القير العادي أو الاوتوماتيك which one petter otomatic or manual gear

أيهما أفضل القير،،،.(الفتيس ) العادي ام القير (الفتيس ) الاوتوماتيك 

سؤال علي كل لسان 

معظم الناس تفكر في هذه النقطه عند شراء سياره

هل اشتري سياره قير (فتيس ) عادي ام اوتوماتيك 

سنتناقش ف هذا الموضوع عن مميزات كل نوع وعيوبه

الجير العادي. يفضل بعض الاشخاص استعمال  القير(الفتيس )  العادي وعند سؤالهم يقولون إن سواقه القير.          ( الفتيس ) العادي نجد فيه متعه ف القياده 

ومن بعض ما يذكر في مزايا القير العادي أو (المانيوال) 

1. السيارات التي تستخدم قير( الفتيس ) عادي سعرها اقل من القير الاوتوماتيك مع مقارنه السعر 

2. يعتبر الافضل إذا كانت السياره للأعمال الشاقه  

3. يتميز بحجمه الاصغر لو قارنته بالاوتوماتيك 

4. سهوله في الصيانه والتعامل معه عند معظم ورش الصيانه  

ومن يحجب المشاركه في التعليقات ف مرحبا بكل الآراء ومزيد من المعلومات عنه بهذا الرابط https://carloverrrr.blogspot.com/2022/01/blog-post_20.html

القير الاوتوماتيك .

له محبين كثيرين وعشاق ممن يحبون الرفاهيه وعدم المشقه اثناء القياده فهو الحل الامثل الراحه والاذدحام في الطرق وإكبار السن ايضاء وبعض ما يذكر ف مزاياه 

1. ذكرنا أنه الأمثل الرفاهيه اثناء القياده

2. الحل الامثل لكبار السن 

3. يعمل بتناغم مع المحرك لأنها يعشق النقلات اوتوماتيك بدون تدخل 

4. لا يسبب حمل كبير علي محرك السياره  

5. بالنسبه الاعطال فهي بسيطه مع المحافظه 

من بعض العيوب التي ذكرت  

فرق السعر ما بين السياره المانيوال والاوتوماتيك وهو ليس بعيب يذكر ف الرفاهيه لها سعر وللتعرف عليه أكثر في هذه التدوينة https://carloverrrr.blogspot.com/2022/02/outomatic-gair.html

الجير( الفتيس ) الاوتوماتيك outomatic gair

بسم الله الرحمن الرحيم 

السلام عليكم ورحمه الله وبركاته 

اليوم إن شاء الله سأكتب تدوينه عن 

             الفتيس (الجير )  الاوتوماتيك

 من حيث 

         التعريف 

         الاعطال 

           طريقه تعريف حركة النقلات 

 ساعمل جاهدا علي توصيل معلومه 

Automatic gear 

التعريف 

الجير عموما أداة تصل حركة الموتور بسرعات وأوامر معينه عند الحاجة الي الات الجر سواء اماميه أو الات دفع خلفيه 

مثل الجير المنوال ولكن الفرق في المانيوال الجير بوكس المانيوال التحكم في النقلات والسرعه وكل شئ عن طريق سائق المركبه أو السياره 

أما الاتوماتيك يتم بدون تدخل العنصر البشري نقل ما بين السرعه الأولي الثانيه والثالثه والرابعه واي إن كان حسب موديل ونوع السياره عند الاحتياج مع دوس السائق علي الاكسليتور البنزين بيغير الجير اوتوماتيك 

طيب لكن ضروري اعطي أمر بالحركة طبعا بالاول اكيد طبعا طب ده ازاي هقولك حاضر اولا  

المفتاح فى الكونتاكت ودور الموتور 

بعد كده ف علامات علي اليد بتاع النقلات أو العبارات 

 ايه معني الحروف أو الكتابات دي طيب لو سمحت p..R..N..D ايه ده مش فاهم حاجه 

اقولك اخي الفاضل ال p  يعني معناها الـ باركينج parking يعني موقف السيارة بس يراعي لو كنت ماشي وجيت اقف الافضل للحفاظ على القير والسيارة 

اولا اقف نهائي قبل ما تقرر تحرك اليد اجيبها الاول علي ال N وضع النورمال وتسحب فرمله اليد ولا يكون مكان منحدر ويليها تحرك اليد على باركينج اللي هو p. 

تمام والعلامه اللي الاخري  ال N دي بقي معناها 

ال N يعني وضوع النورمال العادي مفيش اي حمل ع السياره ولكن يجب سحب دراع فرامل اليد  يعني اي عطل بالسياره وحبيت تحركها لاي سبب لازم ع الوضع N 

علامه أخري هو حرف ال R  اي الرجوع للخلف اللي يسموه الريوس أو مارشيليه او اي اسم حسب لهجات بعض الدول المهم يجب الإنتباه

تنبيه 

 يجب وضعها علي ال R والسيارة متوقفه تماما ليس وانا امشي للامام وتغير مره واحده للخلف بتسمع صوت ف الفتيس وممكن يكسر أو يخرب اي شئ بالداخل  أما الوضع الآخر وهو ال D يعني ايه معناه 

ممكن معناه Drive  او ممكن Dinamic drive  ده بتستعمله اثناء الاستخدام بالطرق المفتوحه لأن الجير بيغير ما بين السرعات اوتوماتيك ع هذا الوضع بدون تدخل اخر 

بعدها ممكن غيار بطئ لو السياره تمشي بطريق مزدحم أو سرعه بطيئه أو معها حمل غير معتاد ف هذا الغيار يعتمد علي العزم وليس السرعه   

والجير الاوتوماتيك يعتبر لاستعمال الرفاهيه والمتعه 

ويجب الاهتمام به فيما ذكرت بالاعلي عند الاستخدام والنقل بين النقلات والاخري 

واتمني اكون قدرت اوصل معلومه ولو بسيطه متمنيا للجميع قضاء اوقات سعيده  

موتور السياره ..المحرك. car engine

السلام عليكم ورحمه الله وبركاته ممتعه اسعد الله اوقاتكم بكل خير بكلمكم اليوم عن قلب السياره الحركه اللي تجعلها تنبض الموتور محرك المركبه أو السيارة

engine هوضح لكم بيتكون من ايه مثلا اسماء بعض القطع في قلبه تقريبا نظرية عمله يعني علي قدر استطاعتي وبتوفيق الله طبعا اولا المحرك أو الموتور بيتكون من ايه أجزاء ثابته اجزاء متحركه هنبداء نبداء ب الأجزاء الثابته اللي هيا 1.وش السلندر 2 . الفارغه أو البلوك أو كتله المحرك 3 . وعاء الزيت اللي يسمونه الكارتير 4 . غطاء التاكيهات اللي ع وش الموتور فوق يعني دي اجزاء ثابته مبتتحركش اجزاء متحركه .عمود الكرنك عمود الكامات البساتم

عمود التاكيهات والعصافير وأذرع التوصيل او كما يسمونها البيل والحدافه أو الفولام تمام لحد كده يا ريت لو اي نقطه مش واضحه اللي حابب يستفسر بالتعليقات طب دلوقتي بيشتغل ازاي ونظرية العمل والاحتراق داخل الأشواط الأربعة عموما الأشواط دي اسمائها 1.سحب وضغط واشتعال وعادم

1.زي منتوا شايفين السحب بيكون البستم زي ما هو واضح نازل لتحت والصبابات فوق صباب الهواء مفتوح ف بيمتلي بسبب الخلخله للضغط زي السرنجه كده بتاع الدكتور لما بينزل الذراع لتحت بنسحب الدوا نفس الفكره مع نزوله بيسحب الشحنه اللي هي هواء مخلوط ببنزين وبيكون البستم مشواره من فوق لتحت في الشوط ده 2. ضغط رقم 2 البستم بيرجع لفوق تاني واثناء رجوعه الصباب الهواء قفل lock والعادم مقفول ف هنا البستم علي ما يوصل لاعلي نقطه مع زيادة الضغط داخل الاسطوانة لينتهي الشوط الثاني يبدأ بقي شوط 3.الاشتعال او الفرقعه مع زيادة الضغط تنزل شراره من البلاجات أو البوجيهات يحدث الانفجار كما في الصوره بيسموه كمان شوط العزم بعد ما تخلص الفرقعه يتولد طاقه وضغط رهيبه هتروح فين تقوم قوة الضغط دي مفيش قدامها غير وش البستم في تدفعه الأسفل مع دفعته يلف عمود الكرنك بفضل القوه الكبيره الأربع بساتم لان مش كلهم مستوي واحد الاول والرابع فوق بيكون التاني والتالت تحت يعني لو واحد سحب التاني ضغط التالت اشتعال الرابع عادم وهكذا تسلسل بحيث الباور power دائما موجود في شوط الفرقعه بياخود البستون الدفع بيخلي عامود الكرنك يلف وهكذا بتكون متتاليه الحركه  عمود المرفق  بيوصل للفولام  القير  الي  الآلات الجر ف بالتالي تتحرك السياره

الميكانيكا والسيارات عشق

 السلام عليكم ورحمه الله وبركاته 

لكل محبي السيارات والميكانيكا 

وعشاق فن هندسه السيارات 

انا احب هذا المجال جدا 

لهذا قررت انشاء هذه المدونه  لادون فيها 

ما احب واشارك ما احب مع الجميع 

لعل وعسي

ان يستفيد اي شخص بمعلومه مفيده 

ولست ممن يدعي أنني الافضل او علي علم بكل شئ ولكن ساسعي جاهدا لأصل المعلومات الصحيحه 

فيها يخص ما انشر وإن أخطأت في شئ فهو وارد ف الخطاء وارد وانا اعترف بذلك ولا يحزنني أن دلني أحد ع الصواب أو تصحيح معلومه ف معلوماتي من أشخاص هم أكبر مني سنا أكرمني الله بهم وتعلمت منهم القليل في بحر كبير وما زلت اتعلم واقراء الكتب واري البعض بعيني وأتابع مواقع ع الانترنت لكي اصل لهذه المعلومات التي اطرحها عليكم هذا نابع من شغفي لمعرفتها ولنفع الآخرين بها ولكم مني ارق التحيات طابت أوقاتكم بكل خير 

اسباب نقص الزيت بالموتور السياره

 السلام عليكم ورحمه الله وبركاته 

تحيه للناس المحترمه 

اسباب نقص الزيت من عربيتي أو احيانا انت او انا أو اي شخص عادي معندوش خلفيه كبيره بيقوم الصبح ويدور عربيته يجي يقيس الزيت مثلا بتاع الموتور 

تنبيه 

يعني يفضل نفيس زيت الموتور بطريقه دوريه للاطمئنان علي سلامه عربيتك والموضوع مش هيعطلك  تخرج مقاس الزيت بس وتقيسه للاطمئنان

في علامتين أو شرطتين أو marking point كده المفروض الزيت ميقلش عن اللي تحت وميزيدش عن اللي فوق لان لو قل ليه اضرار ع الموتور ولو زاد برضه ليه أضراره ..

هقول ايه ممكن الاسباب اللي تخلي الزيت ينقص ف الموتور 

1. إن الموتور يكون قديم ومتهالك وبالعاميه زي ما بنقول بيأكل زيت او بيهرب زيت لغرفه الاحتراق فوق البستم وده بيكون الشنبر ضعف وعايزه عمره الموتور الشنبر اللي هو ال piston ring  علي ما اعتقد 

2. تهريب زيت من أحد الجوانات اللي وظيفتها منع تسريب الزيت بيكون تهالك أو جديد ممكن بس خامه رديئة او ممكن برضه طريقه خطاء في الربط والتقفيل 

3. تهريب زيت الموتور من عند الاولسيه أو الاويل سيل وده بيكون راكب ع اي عمود مدور زي عمود الكرنك أو عمود الكامات 

4. السرعات العالية جدا والتحميل الزائد ع الموتور كمان 

5. لو ركنت السياره فتره طويله  بدون متشغلها الجوانات والاويل سيل والاجزاء دي بتنشف ويتهرب زيت كمان في حاجه .

6.فلتر الزيت ممكن يكون مش مربوط كويس أثناء تغييره يسرب زيت  وساعه الزيت احيانا بتبوظ وبتهرب زيت 

7. جلد الصبابات أو كاوتش صباب ع حسب اختلاف مسمياته valves oilseal 

برضه احيانا بتنشف وتخرج   وبتسمح بمرور  زيت من دليل الضباب تدخله ع غرفه الحريق أو فوق سطح البستم وتحس العربيه بتطلع دخانه من ورا الشكمان او السلنسر 

8. وكمان فيه سبب ممكن محدش ينتبه ليه يكون السبب ف أن المحرك يهرب زيت او ينزل زيت من اي مكان هتقولي ايه هو اقولك لما يكون معيار الزيت زائد اثناء عمليه تغيير الزيد  اتفقنا ف اول المقال إن لازم بطريقه دوريه اطمن ع الزيت والمياه  كمان قبل ما ادور السياره يوميا ف كمان ممكن يكون زياده داخل المحرك ف اكيد هيضرب ال oilseal الاولسيه وهينزل زيت من عند الجوانات وكل مكان  لازم كقائد مركبه او صاحب سياره يكون عندك خلفيه ولو بسيطه عن بعض الصيانات الدوريه اليوميه بأمر الله مع المتابعه هتكون عندك واي شخص محتاج أنزله موضوع عن شئ معين عايز يفهمه انا مستعد واكون مبسوط بده ويا ريت اكون قدرت اوصل المعلومه