دائره حقن الوقود injection fuel )

السلام عليكم ورحمه الله وبركاته

 احبتي اعضاء مدونه عاشق السيارات وكل متابعيها اشعر بالسعاده وانا اشارك معلومات وإن كانت بسيطة أو غير وافيه إلا أنها ستكون بداية المعرفه بعالم السيارات وكيفيه عمل الموتور وكل الانظمه التي تعمل أثناء دورانه سواء نظام الكهرباء او الاشتعال أو الوقود والحقن أو ديناميكية عمل المحرك لأن بالنهاية لا يستوي الذين يعلمون والذين لا يعلمون ..

سأحدثكم اليوم عن 

دورة حقن الوقود (injection fuel ) ..

كل تفاصيلها تتكون من ايه العمل 

الاعطال وظيفة كل جزء 

رقم واحد أو بداية الدوره تبداء من 

خزان الوقود( petrol tank )

الوصلات والخراطيم الموصله للوقود 

فلتر بنزين 

طلمبة بنزين( petrol pump)

الكربراتير وهو الجزء المسؤول عن خلط البنزين بالهواء .

وفي الانجكشن بتكون مسطرة الرشاشات ونوضح الفرق فيما بعد 

هنبداء بكل بند من البنود المذكوره شرح قصير لمعرفة تفاصيل كل جزء 

نبداء ب 

….خزان الوقود 

خزان مصنوع من رقائق الصاج أو الايثيلين ومغطي بطبقه عازلة للحفاظ عليه من الصدأ

ويوجد ما هو مثبت أسفل السياره والآخر بالخلف والآخر بجوار الشاسيه علي حسب وضع وتصميم كل سياره 

ويوجد بالتانك  

فتحة لتزويد الوقود 

خرطوم الفائض أو التهويه للسماح بتخلل الهواء للتانك وخروج الابخره لعدم ارتفاع الضغط بالداخل بسبب اهتزاز السياره أثناء السير 

ماسورة سحب البنزين 

ماسورة الراجع من البنزين او الزائد عن الاستخدام ليعود للتانك مره اخري 

عوامه أو مؤشر داخل التانك متصل بالعداد داخل مقصوره القياده (التابلوه ) كما يسميه بعض العامه لمعرفة مستوي البنزين بالتنك 

طلمبه البنزين لو كانت داخل التانك لأن بعض السيارات طلمبه البنزين خارج التانك ولكل نوع اعطاله المختلفه . 

…الوصلات والخراطيم 

وهي وصلات وخراطيم تمتد أسفل السياره لتنقل البنزين petrol من الخزان إلى المحرك مرورا ب فلتر البنزين وطرمبة الوقود 

… فلتر البنزين هو جزء صغير الحجم ولكنه مهم وله دور في تنظيف البنزين من الشوائب العالقة به لعدم وصولها للبخاخات أو الكربراتير لأن لها عواقب لا يحمد عقباها ويجب الاهتمام به نظيفا وتغييره عند الحاجه .

… طلمبه البنزين 

وهو الجزء المسؤول عن سحب البنزين من التانك وضخه لباقي دائره الوقود وهذا الجزء يوجد منه تصميمات ميكانيكيه الموديلات القديمه من السيارات وتصميمات كهربائيه وهذا هو الشائع المستخدم حاليا .

… الكربراتير أو الانجكشن injection fuel السائد في معظم السيارات الحديثه ويكون بديل لنظام الكربراتير وهي مسطرة مثبت عليها رشاشات كل رشاش واصل بالاسطوانه المراد تغذيتها والاثنين وظيفتهم ترذيذ الوقود أي ضخه داخل الاسطوانه علي شكل رزاز وهذا أو ذاك هما المسئولين عن توصيل الوقود إلى غرفة الاحتراق وسنتطرق في تدوينه اخري الفرق بينهما وأعطال كل جزء منهم . 

دائره الاشعال في السياره ignition in the car

دائرة الإشعال في السيارة .

Ignition in the car

 دائرة الإشعال في السيارة .

اسعد الله اوقاتكم بكل خير .

اليوم سنتناقش عن دائرة الأشغال في السيارة 

لو مهتم تابع واوعدك هتطلع ب اي معلومه إن شاء الله.

اولا 

مكونات الدائرة ايه او بتبدأ ب ايه و تنتهي ب ايه وايه هيا وظيفة كل مرحلة من المراحل .

البطارية 

وده طبعا مصدر الطاقة مخزون الكهرباء اللي بيداء بيه الحركة الموتور 

مفتاح الكونتاكت ال start لبدء التشغيل

 

الموبينه 

وظيفتها تحويل الفولت من فولت بطاريه عادي ل أضعاف آلاف المرات عن طريق ملفات ابتدائية وملفات ثانوية 

الاسبراتير ( موزع الشرر )

الابلاتين والكوندنسر (المكثف)

الابلاتين ده تقطيع وفصل الكهرباء ما بين كل سلندر والآخر ك

سلوك البوجيهات 

البوجيهات (شمعات الاحتراق)

 العمل تبدأ عندما يقوم سائق المركبة بتشغيلها عن طريق المفتاح اللي هيا النقطه رقم بالقائمه 2 بس بدايه الطاقة والكهرباء من واحد البطاريه مخزن الطاقة في الكونتاكت بيعمل وصل بين الموبينه والبطارية 

طبعا المارش بيلف الموتور عشان تبداء الدوره لعمل البساتم وتقسيمه الموتور والتقسيمات كل شئ بوقته ومكانه اتفقنا إن اشوط عمل البستم 4 زي ما ذكرنا في منشور المحرك عنهم بالتفصيل 

https://carloverrrr.blogspot.com/2022/02/car-engine.html 

وده لينك تدوينة المحرك وكيفية الأشواط للي ما خادش فكره عنها لسه وفي كل اسطوانة في دور الاشتعال أو الاحتراق بيجي هنا دور دائرة الاشعال في السيارة وكل بستم على حسب رقمه وترتيبه بيوصله شرارة بقوة محدده عشان يكمل الدائرة طب خلينا واحده واحده عشان متختلطش علينا الامور وصلنا أن الكونتاكت وصل البطارية بالموبينه الموبينه دي بقي وظيفتها تحويل الفولت الى الاف الاضعاف من القوه عشان يوصل بالاخير بالقوه المطلوبه تمام وبعد كده بعد كده يخش للاسبراتير عشان ياخد الشرارة دي يوزعها على البساتم وكل سلندر ع حسب دوره ومعاده ده وش الاسبراتير الفتحه اللي بالوسط دي الباور داخل الاسبراتير والفتحات اللي حواليها خروج الكهرباء بعد تقطيعها وتوزيعها ع السلندرات بالترتيب بتاعهم طب والترتيب ايه 

هقولك 1.3.4.2. يعني اما اجى اظبط الاسبراتير اظبطه ازاى 

اولا . الاسبراتير

 بيظبط الاول الابلاتين بتاعه كده وبعدين نخلي البستم رقم واحد فوق خالص متحرر ولا طالع ولا نازل بأعلى نقطه والوش بيكون بتاعه بركب فيه السلوك بالتقسيمه اللي قولنا عليها 1.3.4.2 وبنزل الاسبراتير مكانه وبنجيب الشاكوش علي رقم واحد ومع التشغيل يقوم بوظيفته بقي اللي هيا فصل ووصل التيار اللي جاي من الموبينه وتوصيله لشمعات الإشعال بفولت عالي 

عن طريق الشاكوش اللي موجود داخل الاسبراتير 

وتوصيل الفولت ده عن طريق سلوك شمعات الاحتراق ودي سلوك معزولة ومظبوطه عشان متهربش الكهرباء ومنها الى شمعات الاحتراق اللي هيا ( البوجيهات ) 

واي خلل في جزء من الأجزاء دي بتلاقي الدائره مش مظبوطه البوجيهات دي برضه احيانا لو قديمه 

أو فتحة البوجيه مش مظبوطه 

او عليها زيت من المحرك ف مش هتشتغل بكفاءة 

وطبعا كل النقط دي كلها هتعرفها و ناخد خبره فيه مع الوقت وإني اكون حابب اتعلم واخد فكره طبعا في اعطال كده بسيطه منها صوت فرقعة كبيرة في الشكمان فجاءه..

 وده بيكون

1. المكثف أو الكوندنسر بايظ 

2. لو انت كنت فاكك سلوك البوجيهات من مكانها وارد تكون أخطأت في ترقيم الاشتعال للأسلاك بترتيبها الصحيح 

لو فاكك الاسبراتير بيكون عايز تحركه عكس عقارب الساعه عشان كده محتاج كهرباء يعني ايه محتاج كهرباء يعني توقيت اصدار الشرارة للبوجيه متأخرا عن ميعاده بس ولو في صوت سكه أو كركره كده بتكون الكهرباء زيادة يعني تحركه الإتجاه المعاكس وبرضه لسبب بيكون توقيت اصدار الشرارة بدري عن موعده سابق لوقت الاشتعال ويا ريت اكون قدرت اوصل المعلومه وأي استفسار اكون سعيد في التعليقات بالرد عليه .

ونهايه الحوار هذا وليس آخرا نقول لكم 

اسعد الله اوقاتكم ودمتم بكل خير.

بطاريه السياره. car battery

بطارية السيارة

Car battery

السلام عليكم ورحمه الله وبركاته .

اسعد الله اوقاتكم بكل خير.

تحية طيبة للجميع ولكل متابعين مدونة محب للسيارات.

موضوعنا اليوم عن جزء مهم وهو مكمل لمواضيع سابقة تم ذكرها حتى تكتمل الرؤيه وتكون الأمور واضحة .

بطارية السيارة .

Car battery.

طبعا وبلا شك الكل عنده فكره عن البطاريه. .

الشكل العام والقطب السالب والقطب الموجب .

طب لسه في معلومات لا تعرفها اكيد . 

اولا ايه هيا أو التعريف العلمي لها ..  

           هي عبارة عن جهاز كهربائي كيميائي تحول الطاقة الكيمائية إلى طاقة كهربائية للاستفادة بها في تشغيل كافة الأجهزة والدوائر الكهربائيه في السياره ..

تمام يعني بالتفصيل بقي وظيفتها ايه 

وظائف بطارية السيارة ..

تزويد المارش او بادي حركة الموتور (starter) . بطاقه كهربائيه عاليه عند القيام ببدء تشغيل المحرك ..

إمداد اي منظومه أو دائرة كهربائية داخل السيارة بالطاقة الكهربائية أثناء عدم تشغيل السياره دوائر كتير ممكن نقوم بتشغيلها أثناء عدم تشغيل موتور السيارة وفي ذلك الوقت تعتمد علي البطارية اعتماد كلي قد يتساءل البعض مثل ماذا اقول لك الراديو أو الكاسيت مثلا اضاءه السياره كلها لو أردت ذلك أو في حاله عطل بالطريق للفت انتباه الآخرين آل center lock )🔐 كمان جهاز الانذار ومانع السرقة 

تعتبر مخزن الطاقة عموما لاستخدامها عند الحاجة وفي عدم الحاجة يقوم الدينامو بشحنها كما ذكرنا عنه في منشور سابق لو أردت أن تعرف أيضا عن الدينامو الشحن  

https://carloverrrr.blogspot.com/2022/03/blog-post.html 

هذا رابط توضيح ما هو الدينامو وآلية عمله .

تمام حاليا البعض حابب يعرف مكونات البطارية من داخلها 

البطارية هى كما يظهر امامك 

1.صندوق البلاستيكي طب ليه بلاستيكي وليس اي ماده اخرى لأن البلاستيك لا يتفاعل مع حمض الكبريت اللي بداخل البطاريه أو كما يسمي بلغتنا العاميه ( ماء النار ) 

2. قطب سالب 

وقطب موجب 

3. الواح داخليه معظم تركيبتها من مادة الرصاص وهذه الألواح مقسم بالداخل الي جزئين ألواح جزء متصل بالأقطاب السالبه وجزء الأقطاب الموجبة وما بينهما الواح عازله فاصله بينهم ومقسمه الى خلايا منفصلة البطاريه ال (12 فولت ) كل خلية تعمل فرق جهد 2 فولت ب مجموع 6 خلايا لتعطي ال 12 فولت 

مع وجود الواح من الرصاص واكسيد الرصاص وحمص الكبريتيك المادة السائلة داخل البطارية ومع التفاعل بينهم ينتج الجهد والطاقة الكهربائية المطلوبة 

ودي عموما البطاريات الشائعة في فترة من الوقت وتحتاج كل فترة تلقي نظره ع المحلول وتزويدها بالماء المقطر لأن مع التفاعلات يحتاج إلى إضافة كل فتره 

 البطاريات الجافة 

أو البطاريات قليله الصيانه 

وهي الشائع استعمالها بالفترات الأخيرة لأنه تم تقليل نسبه الأنتيمون وتعويضه بالكالسيوم لتقليل التفاعل الداخلي مما قلل من درجة حرارة البطاريه وقلة التفاعل قلل من نسبة انبعاثات غازات البطاريه مما ساعد على عدم فقد ماء البطاريه والبطاريات الجافه قليله الصيانة لديها احتياطي اكبر يغطي الواح البطارية من ومقاومته أكثر للشحن الزائد وعدم تلف الأقطاب بسرعه مثل البطاريه الاخري 

وليس عليك الاطمئنان على سائل البطارية لأن يوجد بها عين شفافه كل ما عليك مراقبتها 

ويوجد بها 3 ألوان. الاخضر. 

                                   والابيض .

                            الأسمر أو البعض احمر .

الاخضر .  

يدل ع سلامة البطاريه وإن الشحن مناسب والأوضاع على ما يرام 

الاسمر .

او الاحمر يدل علي أن البطارية خالية من الشحن ويجب نزعها وشحنها فورا مع الاطمئنان إذا تكررت هذا الأمر علي شحن الدينامو أو توجه الفني المختص  

الابيض يعني أن الأمور لا بأس بها ولكن بعد فتره يجب فحص ماء البطارية للاطمئنان من الممكن أن يكون المنسوب انخفض عن الحد المطلوب .

ملحوظة 

يجب عدم ترك البطارية تفرغ تماما وإعادة شحنها أكثر من مرة مع عدم البحث عن السبب في ذلك لكي لا تتعرض للتلف 

ومن عيوبها هذه البطاريات 

انها لا تتحمل الأعمال الشاقة  

اتمنى اكون وصلت لكم معلومه سهله وبسيطه واي استفسار نسعد بالرد عليكم في التعليقات.. 

دينامو السياره( alternator ) اعطاله وطرق اصلاحه

دينامو السياره( alternator) هو وأسباب تلف هذا الجز ..

السلام عليكم ورحمه الله وبركاته متابعين صفحه عاشق السيارات اسعد الله اوقاتكم بكل خير

اليوم نتدارك التدوين عن هذا الجزء المهم في اي سياره 

الا وهو ( الدينامو ) 

جزء من اجزاء محرك السياره مبدئيا ما هو وظيفة هذا الجزء ( الدينامو )  

الوظيفه 

يعتبر الجزء الأساسي والرئيسي عن إنتاج الكهرباء في السياره وذلك عند طريق تحويل الطاقه الحركيه الى طاقه كهربائيه ويأخذ حركته من السير المتصل ما بينه وبين عمود الكرنك (crank shaft ) 

يعتبر هو المصدر الوحيد في السياره لكل الأجزاء التي تعمل بالكهرباء مثل 

1.مروحة التبريد 

2. الأضواء بكل السياره 

3.معظم السيارات يعمل موصل حركة طلمبة المياه عن طريق السير الواصل بينه وبين عمود الكرنك  

4. الشحن الكامل للبطاريه لاستخدامها عند البدء في تشغيل السياره مرة أخرى وبما أن كل هذه المهام هو المسؤول عنها ويقع عليه ضغط عمل تحدث له بعض الأعطال احيانا .

من بعض هذه الأعطال 

اضاءة لمبة الدينامو بالتابلوه الا وهي لمبة البطاريه أيضا تحمل علامة شكل البطاريه تماما وهذا يحدث عندما يكون عطل في الدينامو( alternator) أو كذلك البطاريه . 

ضعف إضاءة مصابيح السيارة .

من الممكن أيضا أن تكون البطارية ضعيفه أو منتهيه الصلاحيه .

سماع صوت خشونة داخل الدينامو .

صدور رائحة من ناحية الدينامو وهذا يدل علي 

إن الأمور ليست على ما يرام 

عند إضاءة لمبة الدينامو يجب التوجه الفني لفحص الدينامو هل الشحن مظبوط احيانا الشحن عالي أو ضعيف وفي الحالتين لا يفي بالغرض يوجد فحمتين رصاص داخل الدينامو احيانا تتآكل وتحتاج إلى تغيير أيضا .

وعند سماع صوت خشونه من الممكن أن يكون رولمان البلي الداخلي الدينامو يحتاج إلى تغيير أيضا . 

من الممكن ان لا تكون هناك اي مشاكل نهائيا في الدينامو 

ولكن السير أو القشاط كما يقول البعض pelt متآكل أو انقطع ويحتاج إلى آخر جديد فورا منشور آخر إن شاء الله سنتناقش عن البطارية أيضا .

وانواعها وطرق الحفاظ عليها أتمنى أن تكون المعلومة وصلت بشكل سهل و حققت استفادة منها 

لأن من المفترض أن يكون سائق السيارة على علم ودرايه ببعض الأمور ولو بسيطه  

والسلام عليكم خير ختام